Ən çox azarkeşi olan klublarımız

tarih:

Belə bir düyim var, "Futbol, azarkeşlər üçün olan idman növüdür". Hər kəs bu cümləyə öz baxışıyla baxsa da, istənilən nöqteyi nəzərdən bu fikir çox doğrudur. Bu gün klubların faəliyyət göstərməsi və onların inkişafı üçün tələb olunan əsas resursların hamısı məhz azarkeşlərin sayəsində yaranır. 

Bəs görəsən Azərbaycan klublarının hansının nə qədər azarkeşi var? Təəssüf ki, buna tam dəqiq cavab verəcək hansısa araşdrıma, məlumat bazası və ya bir statistika yoxdur. Qeyd edim ki, dünyanın əksər ölkələrində bu cür araşdırmalar aparılır, məlumat bazası hazırlanır. Sonra isə bu məlumat bazası həm marketinq məqsədi ilə, həmdə ki, futbolun inkişafı üçün istifadə edilir. Daha əvvəl İtaliyada aparılmış bir araşdırma barədə yazmışdım. O yazını buradan oxuya bilərsiniz.

Azərbaycan klublarının hansının nə qədər azarkeşi var?Bu suala qismən cavab tapmaq üçün kiçik bir araşdırma apardım. Təəssüf ki, bu barədə ölkədə hansısa bir məlumat bazası və ya sorğu olmadığı üçün qlobal oyun nəticələri saytı olan sofascore.com saytının məlumatlarını toplayaraq sizə təqdim edirəm.

Azərbaycan Premyer Liqasında iştirak edən klubların Sofascore.com saytında izləyici sayı:

  1. Qarabağ - 240 000
  2. Neftçi - 18 000
  3. Zirə - 17 000
  4. Sabah - 16 000
  5. Turan - 10 000
  6. Sumqayıt - 9 200
  7. Araz Naxçıvan - 6 700
  8. Səbail - 6 600
  9. Kəpəz - 6 600
  10. Şamaxı - 4 800


Birinci Liqada iştirak edən klubların Sofascore.com saytında izləyici sayı:

  1. Qəbələ - 7 400
  2. Qaradağ Löklbatan - 5000
  3. MOİK - 4 300
  4. İmişli - 3 800
  5. Karvan - 3 300
  6. Zaqatala - 2 700
  7. Mingəçevir - 2 500
  8. Difai - 2 200
  9. Baku Sportinq - 1 700
  10. Cəbrayıl - 1 300

Həmçinin "OneFotball" şirkətinin məlumatlarına əsasən Azərbaycanda ən populyar olan klubların siyahısına buradan baxa bilərsiniz.

Hər iki statstikada "Qarabağ" çox böyük fərqlə lider olduğu görünür. Bu zaman belə bir sual yaranır. Nəyə görə "Qarabağ"ın çempionat oyunlarında bu qədər az azarkeş gəlir? Fikrimcə bu məsələdə problem, "Qarabağ" klubunun PR işini bacarmaması və klubun, futbol klubu idarə etməsində əsas terminlərdən biri olan, "Oyun günü qazancı" anlayışını bilməməsidir. Ümid edirəm ki, tezliklə "Qarabağ" klubu bunu anlayacaq və bu məsələni bacarıqlı kadrlara həvalə edəcəkdir. Bu məsələdə digər problemlər də var, ancaq bunlar sırf klubdaxili məsələlər olduğu üçün bu barədə heç nə yazmıram.