Əfsanəsi olduğu klubu həyata qaytaran adam

tarih:


İtaliyanın "Kyevo Verona" klubu 2021-ci ildə maliyyə problemlərinə görə müflis olaraq ləğv olur. Klubun keçmiş oyunçusu və klub azarkeşlərinin kumiri Serxio Pellissyer qarşısına klubu bərpa etmək məqsədi qoyur.

Pellissyer 2021-ci ildə İtaliya futbolunun həvəskar liqasında yarışa başlayan "Klivense" adlı bir komanda qurur. Bundan əlavə, klubun adını dəyişdirmək üçün "Kyevo Verona" brendini alır.
Bu il isə, klub İtaliya D Seriyasına vəsiqə qazanır. Bu zaman "Klivense" klubunun üzvləri arasında səs vermə keçirilərək klubun adı "AC Kyevo Verona" olaraq dəyişdirilir. Bir neçə gün əvvəl isə, klub sosial şəbəkələrdə bu məlumatı paylaşır:
"Daha bir vəd yerinə yetirildi. "Kyevo Verona brendini əldə etdikdən sonra Klivensenin 800 üzvü D Seriyasında növbəti mövsüm, 2024/2025-ci illər üçün ad və rəng seçdi: komanda "AC Chievo Verona" adını alacaq və klubun rəngləri "Klivense"nin ağ və mavi rəngində qalacaq."